香港新浪網 MySinaBlog
« 上一篇 | 下一篇 »
Mocha  | 21st Apr 2008, 00:46 AM | 食樂記聞

身為一個蟹痴,逢蟹皆愛,逢蟹都食,暫時最恨食係椰子蟹.
當我第一次來這裡,再反反覆覆去海鮮站. (海鮮站老板話呢度係佢呀哥開,佢都係抄佢呀哥)

相比之下,金凱鮮庭係好d. (不過,海鮮站個沙律又好d.)
所以我對佢既愛已經係標升,最狂係一個月黎4次. 仲介紹過甜老師黎,佢又再介紹人黎食.
依家平均就1-2個月黎一次.
Picture

加菲蟹 ~ 最開心係見到加菲蟹. 飲恨於澳洲,未能一食. 係度見到,梗係要食.
屬於肉蟹一種,超好肉,味鮮甜. 不過我最怕見到蟹腳邊的泥跡,點解佢地唔好可以用刷刷下呢?
其實蟹的底部,係好污穢. 如果係屋企,都會用刷,係咁刷.
加上西式的煮法,原隻落水煮,就更加應該要洗乾淨d.

翡翠螺/清燉螺頭雞腳湯 ~ 不用多說,正.
Picture
蒜蓉蒸勝子 ~ 好味過布袋澳,一食覺得好幸福,咩野煩惱都無晒.
Picture
芝士焗蠔 ~ 一般,唔夠味. 如果可以加多d芝士焗就正.

賴尿蝦 ~ 無咩味,又無羔,肉好削. 唔扺食.
豉汁蒸龍躉 ~ 滑,不過無個白飯黎配,好似dry咗d.

等我再寫番之前黎呢度,其他既食評.

串燒鮑魚 ~ 一串3隻,細細隻,覺得麻麻地. 因為唔係好扺食.
鮑魚 ~ 逐隻計既,好似差d. 話大隻,唔大隻,試過無妨,唔會番食.
海參 ~ 好細條,食落無特別,扣得唔入味.
麵包蟹 ~ 第一次食係海鮮站,佢地話係羔蟹既一種,不過食唔到有羔. 黎到金凱鮮庭,就真係食到一次爆晒羔. (之不過海鮮站個白酒醋又正過呢度既醋)
芝士龍蝦 ~ 芝士汁好淡又稀,龍蝦肉"孩",可能因為己灼熟咗,再焗.
加拿大蟹 ~ 屬肉蟹一種,不過外殼好厚又硬,食起黎都好麻煩. 如果同加菲比,加菲好肉d同埋甜d.

心情不佳,唯一方法係食蟹. 下星期我要再黎.

留言(1) | 引用(0) | 話題(食事)

[1]

看見這隻紅粉飛飛的加菲蟹,我想老闆娘都應該會很開心~

藍秋哥哥
[引用] | 作者 藍秋哥哥 | 30th Apr 2008 02:20 AM | [舉報垃圾留言]